Isang gabi ng pag-asa ang naganap sa Bagong Liwasang Bayan ng pormal nang inilawan noong ika-25 ng Nobyembre, 2025 ang Baras 2025 YES Christmas Tree, Belen, at ang buong Municipal Façade.

𝗡𝗮𝗴𝗶𝗻𝗴 𝗣𝗮𝗻𝗮𝘂𝗵𝗶𝗻𝗴 𝗣𝗮𝗻𝗱𝗮𝗻𝗴𝗮𝗹 𝘀𝗶 𝗚𝗼𝗯𝗲𝗿𝗻𝗮𝗱𝗼𝗿 𝗡𝗶𝗻𝗮 𝗥𝗶𝗰𝗰𝗶 𝗔. 𝗬𝗻𝗮𝗿𝗲𝘀, 𝗸𝗮𝘀𝗮𝗺𝗮 𝘀𝗶𝗻𝗮 𝗕𝗼𝗮𝗿𝗱 𝗠𝗲𝗺𝗯𝗲𝗿 𝗝𝘂𝗻 𝗥𝗲𝘆 𝗦𝗮𝗻 𝗝𝘂𝗮𝗻 𝗮𝘁 𝗮𝗻𝗴 𝗯𝘂𝗼𝗻𝗴 𝗬𝗘𝗦 𝗧𝗲𝗮𝗺. 𝗡𝗮𝗴𝘁𝗶𝗽𝗼𝗻-𝘁𝗶𝗽𝗼𝗻 𝗮𝗻𝗴 𝗺𝗮𝗺𝗮𝗺𝗮𝘆𝗮𝗻𝗴 𝗕𝗮𝗿𝗮𝘀𝗲𝗻𝘆𝗼 𝘂𝗽𝗮𝗻𝗴 𝗺𝗮𝘀𝗮𝗸𝘀𝗶𝗵𝗮𝗻 𝗮𝗻𝗴 𝗺𝗮𝗸𝘂𝗹𝗮𝘆 𝗻𝗮 𝘀𝗲𝗿𝗲𝗺𝗼𝗻𝘆𝗮.

Hindi rin nagpahuli sa pagpapasaya ang Saturday Women’s Aerobics Club (SWAC), na naghatid ng isang nakaka-indak na espesyal na bilang.

Ang 2025 Baras YES Christmas Tree at Belen ay nakatayong matayog bilang matibay na simbolo ng ating buong-pusong pagsuporta sa adbokasiya ng Ynares Eco System (YES), ang makakalikasang pangakong pangalagaan at buhayin ang ating kalikasan na isinusulong din ng Save Baras River Program at K-Palit Program.

Mula sa upcycled at recycled na materyales gaya ng mga bao ng niyog na ginamit bilang pundasyon, mga PET bottles na muling binigyan ng hugis bilang bulaklak, mga tinabas na karton bilang Imahe at sanga ng punong kahoy na nagbigay-istruktura sa Belen, hanggang sa mga parol na ginamit noong taong 2023 na muling kinulayan ng pula at luntian na pinagsama-sama upang ipakita ang kolektibong pag-asa at pagdiriwang ay maaari at dapat na maging eco-friendly. Ito ay hindi lamang liwanag sa Pasko, kundi tanglaw ng ating pagkakaisa at pananagutan sa kinabukasan ng ating Inang Kalikasan.

Ang proyektong ito ay isa ding mahusay na halimbawa kung paano maaaring ipagdiwang ang kultura at sining habang isinasabuhay ang prinsipyo ng SDG 12 (Responsible Consumption and Production), na sinusuportahan ng SDG 11 (Sustainable Cities and Communities) at SDG 13 (Climate Action). Ang proyekto ay nagpapatibay sa pagkakaisa ng komunidad, pagpapayaman sa kultura at pamana, pagsuporta sa lokal na adbokasiya gaya ng Ynares Eco System (YES), Save Baras River Program at K-Palit.

Para sa Bayan, Alay sa Inang Kalikasan,

ALAMIN, TUKLASIN, MAMASYAL AT MAGSAYA

TARA NA SA BANGGANDANG BARAS!

“KAYANG-KAYA KUNG TAYO AY SAMA-SAMA! Willy CaRes”