Bilang bahagi ng pagdiriwang ng National Children’s Month 2025, ay itinataguyod at pinahahalagahan ng Pamahalaang Bayan ng Baras sa pamumuno nina Mayor Willy Robles, Vice Mayor KC Robles at Sangguniang Bayan Members katuwang ang Tanggapan ng Kagalingang Panlipunan at Pagpapaunlad (Municipal Social Welfare and Development Office – MSWDO), sa pagprotekta sa ating mga kabataan.

Mula Nobyembre 12 hanggang 20, 2025, matagumpay na isinagawa ang isang serye ng Oryentasyon at Kamalayan para sa mga piling mag-aaral mula sa ika-anim (Grade 6) na baitang ng iba’t ibang pampublikong paaralang elementarya sa Baras.

Tinalakay sa mahalagang sesyon na ito ang kritikal na isyu ng Online Sexual Abuse and Exploitation of Children (OSAEC) at ang pagkalat ng Child Sexual Abuse or Exploitation Materials (CSAEM).

Ang inisyatibang ito ay naglalayong bigyang-kapangyarihan ang mga bata ng kaalaman at pag-iingat upang labanan ang mga banta sa digital na mundo at matiyak ang kanilang kaligtasan at kapakanan.

𝗠𝗔𝗞𝗜𝗣𝗔𝗚-𝗨𝗚𝗡𝗔𝗬𝗔𝗡:

𝗠𝘂𝗻𝗶𝗰𝗶𝗽𝗮𝗹 𝗦𝗼𝗰𝗶𝗮𝗹 𝗪𝗲𝗹𝗳𝗮𝗿𝗲 𝗮𝗻𝗱 𝗗𝗲𝘃𝗲𝗹𝗼𝗽𝗺𝗲𝗻𝘁 𝗢𝗳𝗳𝗶𝗰𝗲

𝗛𝗼𝘁𝗹𝗶𝗻𝗲: 𝟬𝟵𝟵𝟴-𝟱𝟱𝟰-𝟵𝟳𝟳𝟯

“KAYANG-KAYA KUNG TAYO AY SAMA-SAMA! Willy CaRes”